بسهوله جدا .. إعملى أشهى المأكولات الشعبية في البيت
الفول المدمس
المقادير
كيلو فول بلدى معلقتين عدس اصفر واحده من الطماطم و٢ فص ثوم
الطريقه
انا جبت كيلو فول بلدي حبايته صغيره حطيته في الدماسه وحطيت علي الوش معلقتين عدس اصفر وطمطمايه مكبعات وحطيت ميه مغليه عليه وولعت البوتوجاز واول ماغلي هديت النار بس مش اوي وسبته ساعه من غير ماافتح عليه وبعد ساعتين هديت النار زي الشمعه وسبته كمان ساعتين وبس خلاص ...... ايوه وبس كدا بس. ......
تكات لنجاح التدميس
اول تكايه .. بقي اوعي تنقعي الفول من بليل لصبح هو يدوب يتنقع في ميه سخنه من ٦ ل ٧ ساعات بس ليه بقي علشان لما بيتنقع مده طويله بتقوم القشره بتاعته مع التسويه تسيب الحبايه.....
تاني تكايه .. اما تحطي العدس حطيه علي الوش وماتقلبيش ليه بقي لانك لو قلبتيه هينزل لتحت ومع مده التسويه هيتحرق ويشيط ويعمل ريحه للفول.....
ثالث تكايه .. اما الميه تنشف من علي الفول وقت التسويه اوعي تزودي ميه بارده لا زودي ميه سخنه عليها معلقه خل وشرايح لمون ليه بقي لان دا بيمنع وصول الهوي للفول نفسه لما تفتحي عليه يقوم مايسودش ويفضل لونه فاتح..
ملحوظه كيلو الفول عمل ٩ أكياس الكيس كميته بحيث يكفي ٥ افراد.....
