إزاي اوصف ؟ !
نفسي اعرف اوصف
حالى إزاى لما تغيبى
وإزاي انا بافرح لما
تقولي : انت حبيبي
وازاي غيرتى حياتى
بجد
وبدات اعيدلك ترتيبي
.
وبقيت دلوقتي باحب
الدنيا واحب الناس
وبقيت دلوقتي عشان
خاطرك شاعر حساس
مابقيتش اعد ايام وخلاص
وازاي من نظرة محيتي
همومي وتعذيبى
انا قبلك كنت حقيقي
وحيد
دلوقت سعيد
بمجرد نظرة ولمسة إيد
او حتى تردي على بريدي
.
َما بقيتش افكر غير فيكي
وعايش بيكي
وباقول للناس وبكل حماس
انك عيدي
وتقولي الكلمه ابقى سامعها
وعشان الرقه اللي ف صوتك
انا كل شوية اقول عيدي
باهديكي القلب اللي ف قلبي
واهديكي الروح اللي ف روحي
واهديكي قصايدى و تغريدى
