صفاء جلال: نحتّ جسمي علشان الناس تتقبلنى .. وياسمين عز: لم أخضع للتجميل
كشفت الفنانة المصرية، صفاء جلال، عن معاناتها للحصول على الوزن المثالي بعد تقدمها في العمر، مشيرة إلى أنها اضطرت للقيام بعملية نحت قوام، بسبب تعليقات الجمهور حول وزنها الزائد، وعلقت: "بحاول أوصل للوزن المقبول علشان الناس تتقبلني".
وقالت صفاء جلال في تصريحات تلفزيونية مع الإعلامية المصرية ياسمين عز: "بعد سن الأربعين تصبح عملية تخفيض الوزن وحرق السعرات الحرارية مسألة صعبة، عشان كده أحاول ألحق نفسي، واشتغل على نفسي وألعب رياضة وأعمل عمليات".
وعن تفاصيل العملية التي أجرتها في عام 2018، قالت الفنانة المصرية: "عملت عملية نحت من فترة، لأني كنت تخنت بشكل كبير وبعد فترة سبت نفسي وتخنت تاني وخدت كبسولة المعدة علشان كنت باكل كتير وعندي مشكلة في الاكل بفترة الليل، وفعلاً خسيت 15 كيلو وبكمل دايت وبروح صالة الرياضة".
وأكدت أن عملية التخلص من الوزن الزائد تحتاج لمجهود كبير من أي سيدة تخطت سن الأربعين، وقالت: "بحاول على قد ما بقدر، المشكلة مش في، الناس بتتخض، لأنهم متعوديين عليا من أدواري القديمة، كنت رفيعة جداً، وكان وزني 63 كيلو".
أما عن حقيقة خضوعها لعمليات التجميل: "أنا ما بغيرش في شكلي، وأنا شكلي كده من أول ما ابتديت، بس بحاول أقلل شوية تجاعيد الزمن، بوتوكس فيلر، ودكاترة كتير بشتغلوا بالتجميل، بقلهم مش عايزة أبقى وحدة تانية".
وانتهزت الإعلامية ياسمين عز الفرصة، وقاطعت حديث صفاء جلال عن عمليات التجميل، لتؤكد هي الأخرى بطريقة غير مباشرة أنها لم تخضع لأي عمليات تجميلية، وذلك بعد انتشار صور لها تظهر اختلافاً كبيراً في إطلالتها وشكلها بين الماضي والحاضر.
وقالت ياسمين عز: "لو حلفتلك من النهاردة لحتى بكرا الصبح، إن أنا عمري ما رحت عيادة تجميل، مش حيصدقوا، فأنا قاعدة ساكتة، علشان غسلت إيدي منهم".
في سياق متصل، أفصحت صفاء جلال عن عمرها الحقيقي، مؤكدة إلى أنها أتمت 49 سنة، ولا تخجل من ذكر عمرها الحقيقي، وعلقت قائلة: "أنا داخلة على 49 سنة دلوقتي، ومش بتكسف أقول أنا عندي كام سنة، والناس ذكية عمري ما هطلع أقولهم إني عندي 35 سنة، في الشغل بيبقى شايفين إن أنا صغيرة على الأدوار، بقولهم تمام هعمل أدوار كبيرة، بيقولوا لا ما أنتي كبيرة على أدوار تانية، ويوجد لحظات بعمر كل فنانة بيبقى السن بالنسبالها عقبة، ودلوقتي بعمل أحسن حاجة بتجيلي علشان أقدم أدوار كويسة للجمهور".
