أيمن بهجت قمر يحتفل بحصوله على البكالوريوس بعد ١٤ سنة

احتفل الشاعر أيمن بهجت قمر بتخرجه وحصوله على البكالوريوس بعد 14 عاما من الابتعاد عن الدراسة.

وشارك أيمن بهجت قمر الجمهور ومتابعيه بصور من الاحتفال بتخرجه مرتديا ملابس التخرج وشاركه الاحتفال مصطفى حجاج، والموزع هانى محروس.

وكان أيمن بهجت قمر قد حكى عن قراره العودة للدراسة وحصوله على بالكالوريوس بعد 14 عاما من الابتعاد عن الدراسة.

وقال أيمن بهجت قمر في مداخلة هاتفية مع برنامج "مساء dmc" مع الإعلامي رامي رضوان: كانت حاجة مهمة ومضيقانى حاجة ناقصة ورسالة لأولادي.

وتابع: بداية من أولى ثانوي وأنا رحلتي مع التعليم صعبة، والدي توفى ومن وقتها عيشت لوحدي، دخلت معهد سياحة وفنادق وكنت باخد السنة في سنتين، عرفت أن ممكن أسقط سنتين وأنجح في التالتة وأعدي، كنت بشتغل علشان أصرف على نفسي ودا كان بيعطلني في التعليم.

وأكمل: في السنة الرابعة اكتشفت أن لازم أنجح في نفس السنة ومفيش سنين رسوب، ممكن مدخلش أمتحانات، كان عندي 3 مواد وفضلت لمدة حوالي 14 سنة بدفع مصاريف الجامعة كل سنة ومحافظ على وجودي طالب في المعهد، كنت حريص وعارف أن هيجي لحظة وأخلص.

وأضاف: لما جيت أتجوز وعدت حمايا أني هخلص تعليمي، واللحظة دي جات لما كنت بتكلم فيها مع ابني عن دراسته قالي ما أنت مش مخلص، اتضايقت وقررت أني لازم أتخرج، واتفاجئت أنهم 4 مواد مش 3 وأتلغوا وكل الموجودين في الجامعة ساعدوني في البحث عن أوراق المواد، وعشت تجربة المذاكرة وامتحنت امتحان شفوي مع أولاد في عمر ولادي وكانت تجربة لطيفة.

وكشف أيمن بهجت قمر سبب دراسته في معهد سياحة وفنادق وقال: جبت مجموع صغير في ثانوية عامة 54% وكنت عاوز أدخل معهد السينما أدرس سيناريو وهما بياخدوا من 55%، قالولي أدخل معهد فنون مسرحية تمثيل وأنا مبعرفش أمثل كنت دفعة أحمد رزق وأحمد زاهر وبروح أقف قدم اللجنة وفيها أستاذ كرم مطاوع وأقول شعر، قولت أدخل مجال تاني علشان لو ممشيتش في الشعر والتأليف يكون عندي فرص تانية.بحصوله