رئيس الزمالك يدعو محمود الخطيب لحضور تتويج الفارس الأبيض بدرع الدوري
فاجئ المستشار مرتضى منصور الكابتن محمود الخطيب رئيس النادي الأهلي بتوجيه دعوة خاصة له لحضور تتويج الزمالك بلقب الدوري العام أمام الاتحاد السكندري في بطولة الدوري.
وتوج الفريق الأول لكرة القدم بنادي الزمالك بلقب الدوري رسميا قبل مباراته المرتقبة أمام الاتحاد السكندري المقرر لها اليوم الثلاثاء في الجولة الثانية والثلاثين لمسابقة الدوري المصري الممتاز.
وقال “مرتضى” : “ياريت الكابتن الخطيب يقبل دعوتي لحضور ماتش بكرة، لأننا في رياضة مش خناقة، وبقوله لو جيت هنعملك ممر شرفي ونرحب بيك، وبدعوا مجلس إدارة الأهلي بالكامل برئاسة الكابتن الخطيب، اهلًا بيكم معانا انا هعملك ممر شرفي”.
وأضاف “مرتضى” في تصريحات لبرنامج “زملكاوي” على قناة “الزمالك” :”تم دعوة محمد مصيلحي رئيس الاتحاد السكندري وغيره من رؤساء الأندية لأننا معندناش أزمة مع أي نادي”.
ووجه “مرتضى” حديثة لـ “للخطيب” :”بقول للخطيب قولنا انت مين هل انت الكابتن زيزو أو غيرة من رموز الأهلي، بقوله أهدى لأن بلدنا والرئيس شايف عندنا مشاكل إقتصادية وأمنية أهم وبقوله اهدى يا بنى انت مين”.
وواصل :” الضغط اللى انت عاملة خليت وزارة العدل تطلع بيان علشانكم في النهاية مخدتش حاجة انا خدت منك كأس ودوري، الزمالك النهاردة فيه ربع مليار جنية، ومفيش لاعب ليه جنية في الزمالك، ده غير فلوس كهربا اللى هيدفعها غصب عنه”.
وأكمل :”مش كهربا ده الأهلي هو اللى هربة، وحاليا مش راضيين يدفعوا له الفلوس ولو اتاخر في الدفع فيه فوائد، ومخدناش قرش لسة من الشركة الراعية.
واختتم “مرتضى” :”بكرة ان شاء الله هكون موجود في الاستاد من أجل تسليم الدرع وعاملين احتفالية في الاستاد وفي نادي الزمالك، ومبروك لجمهور الزمالك العظيم”.
