رمضان جانا
فيه كل الكلام الحلو اتقال
كام أغنية علي كام موال
من بدلة و جلابية و شال
م السَنَه لِلسَنَه بسمع طِلِب
بيسعِدني و قلبي بينطِرب
حلاوتُه ده شهد بينشِرِب
رمضان بعد الغيبة وحشنا
راجع تاني و حيفَرَحنا
حينَضَف قلوبنا و أرواحنا
هل هلاله شهر مبارك
فَرْح و بركة تحِل ف دارك
صلي ف ليلك صوم ف نهارك
ده شهر نزول القرآن
شهر الرحمة و الغفران
ينشر بهجة ف كل مكان
صوم و صلاة ويا التسابيح
بعد العِشا تِحلي التراويح
إنسي همومك ياللا و زيح
و اهي أيام حلوة و بتدور
مع لمة أسرة وقت سحور
و لمة عيلة ف وقت فطور
حاللو يا حللو مع الفوانيس
أولادنا تلعب و تهيييص
بعد ما قَفِلنا الكراريس
المدد يا شفيع أمتك
يا رب اشملنا ب رحمتك
راحة أبدية ف جنتك
