إعتزال
كلمات - أحمد حسن عمر
ح اسحب وجودي من
ما بينكو واختفي
واقعد لوحدي بين
حيطاني واكتفي
اني اكون ذكري جميلة
ف قلبكم
تفرح قلوبكم لو اعدي
ف حيكم
وابقي افتكر ايام ما كنت
ف حبكم
من نص نظرة كنا
نزعل نصتفي
الفرق طبعا مش كبير
لو اختفيت
ولا حد منكو ح يفتكر
ويقول ياريت
ايام تعدي ف بعدكو
وح اكون نسيت
كتر الخيانة خلي نوركو
ينطفي
في الف غيري يكملوا نفس الطريق
ويسوقوا نفس المركبه
وشعرا زيي وعندهم اشعار تليق
وبين ايديهم موهبة
ويروح صديق راح يتنسي بصديق جديد
هي الحياه دايما كدا متقلبة
وانا يوم ما اموت
ودا شيء اكيد
ف وصيتي
ح اطلب بندوة ونحتفي
ويقول صحابي احمد حسن
شاعر همام
ويألفوا الفين قصيدة من الكلام
ويقولوا كان........ وكان......... وكان
ومديري يبكي قصاد زمايلي ومشرفي
مش ح اقولكم انتو السبب
اني اختفيت
وقصايدي تشهد كلها بيت
بعد بيت
علي كام قصيدة جوه قلبي
بغدركم
روحو اسألوها
ليه بتبكي وتنزفي
