طعم المر

للشاعر - أشرف عبد الكريم

يا ساتر يارب

دنيا عجيبة وما بتسترش

كل الناس بجد

صبحت صورة بمليون وش ..

اللي عامل صحبك بيخونك

واللي زمان كان ضي عيونك

بقى اكتر واحد بيشوفك

يديك ضهره ولا يسألش ..

يا ساتر يارب

دنيا عجيبة وما بتسترش ..

الأيام مابقتش تسر

والسكر بقى طعم المر

والاخ اللي بيجرح اخوه

واللي بيهجر أمه وابوه

وبنصرخ اه ياخلق ياهوه

عايزين نفهم ما بنعرفش ..

يا ساتر يارب

دنيا عجيبة وما بتسترش ..

مبقاش فينا حد كويس

زي الدنيا ملهاش ريس

كله بيلعب ع المكشوف

عامل أعمى ومش بيشوف

قرب خدلك درس وشوف

دحنا بقينا مانسواش قرش

ياساتر يارب

دنيا عجيبة ومابتسترش ..