ياسمين صبري تكشف عن حقائق فى حياتها لأول مرة

كشفت الفنانة ياسمين صبري لأول مرة عن أنها خريجة إعلام وتحب علم النفس كثيراً.

وتحدثت الفنانة ياسمين صبري: معنديش صحاب كتير ولا شلة ممكن عندي صاحبة واحدة بس، يمكن ده يرجع لتربيتي عشان حياتي كلها كانت في التمرين وكنت بضايق وأحس إن ده عذاب بس ده حماني من أخطاء كتير كان ممكن أقع فيها.

وأضافت ياسمين: وقت كورونا كان شبه حياتي العادية ما عدا السفر لأني بحب أسافر أوي وأنا بعرف استثمر وقتي، وأنا خريجة إعلام ولكن ديمًا عندي شغف تجاه علم النفس وأول كتاب قرأته كان اسمه The Secret، والموضوع اتطور وقررت أدرس في جامعة هارفرد علم نفس، واخدت 3 كورسات منهم علم النفس الاجتماعي والمرونة النفسية.

وتابعت ياسمين صبري: مايضيقنيش إن الناس تحصرني في قالب ست جميلة، لأن الشخص ده بيحدد لنفسه النظرة دي وهو اللي محدود مش أنا، وفيه حاجة في الطاقة أحب أعلمها للناس وهو إن أي شيء سلبي وبالأخص لو كان حكم عليك يعتبر فرصة ليك إنك تحوله للشيء اللي أنت عايزه".

وكشفت الفنانة ياسمين صبري عن العديد من تفاصيل حياتها فى مرحلة طفولتها التى عاشتها فى بيت جدها.

وقالت ياسمين صبرى إن طفولتها كانت هادئة وحزينه بسبب انفصال والديها منذ أن كان عمرها سنتين، وانتقلت إلى بيت جديها وتربت هناك .

وأكدت أنها مرت بظروف صعبة كونت لديها شخصية ناضجة .

واستكملت: "جدتي كانت شديدة جدا أهم شئ عندها الرياضة والمذاكرة والانضباط لدرجة الخوف من الغلط وتضحك قائلة :" ممكن اتضرب بالشبشب عادي"لازم المركز الأول في الرياضة.. كنت كل يوم أصحي بدري عشان استعد وأنزل تمرين السباحة ٥ الفجر.. ده روتين يومي من وأنا عندي ٤ سنين إلي ١٨ سنة.

جاء َذلك خلال لقائها بالإعلامي أنس بوخش في برنامجه AB talks الذي يذاع على قناته باليوتيوب.