وسـام خـاطر تكتب : عقول للبيع

ناس تافهة وتقاليع ماسخة ودمها تقيل. كل يوم مبادرة غريبة مريبة زي الأشباح. مرة خليها تعنس ومرة خليه جنب أمك. أيه كمية التفاهة اللي وصلتوا ليها دي. يعني عاوزين تقنعونا أنكم ماحبتوش في يوم ولا مثلا ماكنش ليكم علاقة بحد. يابشر كفاية أستهزاء بالعقول. أولا يا أنسة مليش عيشة من غيره ولا حضرتك يا أستاذ أصل دي سنة رب العباد. هاتتكبروا كمان علي تدابير الخلاق وهاتتدخلوا في شؤنه. بصو بقي الحياة مابتكملش من غير وجود كابل في كل شئ. كل حاجة في الدنيا وليها شئ بيكملها. يعني الرجل ملهوش غنا عن الست والست ملهاش غني عن الرجل. حتي اللي بيكبروا وبينادوا بحقوق المرأة. برده بيتمنوا يقبلوا الراجل المناسب اللي يقدر يحقق ليهم حياة كريمة ومرفهة ويكون فارس أحلامهم. والرجل طول الوقت بيدور علي (روقة)في الست اللي هايرتبط بيها علشان حابب يحافظ علي الحالة المزاجية الهادية والرايقة اللي بيكون عيشها أيام العزوبية. وعلي فكرة هو مش غلطان زي مانتي بتدوري علي الفارس بالحصان الأبيض هو كمان بيدور علي راحته. فبلاش هري ووجع دماغ بأفكار دمها تقيل. بتدمر طبيعة الكون. وكلها أيام وعيد الحب علي الأبواب ونشوف هايكون أيه أخبار المبادرتين. عيشوا وحبوا وأتهنوا وبلاش تضيعوا الوقت في كلام فارغ.