قصيدة / ماليش لزمة ..

للشاعر / أشرف عبد الكريم
بيقولوا أن أنا إنسان
عايش أيامه بالفطرة
ودوري اعلم الأجيال
حروف الجر والكسرة ..
بقالي سنين علادا الحال
ماشي كألف عليه همزة
وضاع عمري مع الأيام
بقيت عايش ماليش لأزمة .
لترقية ولا علاوة
واسمي صيت بلا غناوا
ولما أغيب عن الحصة
الكل يروح ويدارا ..
وتاني يوم يقابلوني
وبالأحضان يضموني
ولما ابص في عنيهم
بأكد شكي وظنوني .
عليا يا دنيا ليه هنتي
وجيتي عندي ووقفتي
ده بيتي هو مدرستي
يكنش العلم كان ذنبي ..
ده طالب العلم لو في الصين ..
بيعملوله ألف حساب
ولو قلب العلوم لعجين
بيفتحوله مليون باب ..
ومش عارف العيب فيا
ولا في مهنة منسيا
ولا خلاص بقى التدريس
شهادة محو أمية ..
وفي الأخر لقيت نفسي
يدوب قاعد على كرسي
لا شارح جر ولا كسرة
وضارب نفسي 100 جزمة ..