حكاية بنت .... بقلم / الشاعر أشرف عبدالكريم

حبيتها ومتعرفنيش
وقولت ازاي اكلمها
بقت روحي وغيرها مفيش
خلاص انا دوبت فعيونها
عشان طبعي أنا مجنون
بسرعة دخلت صفحتها
لقيت فيها كلام معقول
راحت عيني على صورتها
وقولت اكتبلها تعليق
أغازلها في رقتها .....
وجاني الرد وصدمني
لقتها باعتة بتقولي
كلك ذوق يا استاذنا
وده الرد اللي جنني
وقولت ادخل أنا ع الخاص
أرد عليها برسالة
عملت فيها بنت ناس
قالت ممنوع يارجالة
حلفت لأكون لها عنتر
واكلمها على ماسينجر
وضحكة ضحكة مكتوبة
قالتلي كان غيرك اشطر
وقولت امشي معاها بالعاكس
لقتني داخلها ع الواتس
وشافت صورتي قدامها
قامت قالبة رقمها لفاكس
برجل ورا ورجل قدام
بسرعة دخلت أنا ع العام
كتبت رسالة مجهولة
لبنت عايشة فى الأوهام
وجاني الرد من غيرها
قالولي اياك تكلمها
لكن روحي ماطوعتنيش
ولسة بحلم ببروفيلها ..
..........................