حوار خاص مع ” عبدالعظيم مرسي ” مشروع ممثل صاعد ، وله كوميدية وخفة دم مميزة في تمثيله .

س : إي أكثر موقف في حياتك ؟؟ 
ج : أكتر موقف مؤثر كان إني قابلت شخص إسمه 
" أحمد نجم " الشخص ده هو اللي عرفني على الناس اللي غيرتني وغيرت حياتي للأفضل .

س : الزمن لو رجع بيك إي الحاجة الي هتعملها ؟؟ 
ج : الزمن لو رجع بيا هدخل " معهد سينما " .

س : إي الهدف مني الي بتقدمه ؟؟ 
ج : الهدف من اللي بعمله تطوير الكوميديا في مصر عامةً مش لازم أسرسع صوتي أو أقلد شخص معين علشان الناس تضحك .

س : خطواتك الجيه إي ؟؟ 
ج : خطواتي اللي جيه هبدأ أعمل حاجات إسكيتشات وأفلام قصيرة تنشر فكرة جديده للضحك والكوميديا 
في البدايه كان في 2013 كنت بعمل vines كانوا أهلي موافقين وبيشجعوني بعد كده بطلت لما رجعت في 2016 مبقاش في تشجيع زي الأول .

س : إي ردود أفعال الناس وأهلك ؟؟ 
ج : الناس بيعجبهم الحاجات اللي بعملها لكن طبعاً مش كلهم أقدر أقول الأغلبية يعني ، بالنسبه لأهلي فا هما متفاعلين نوعاً ما .

س نصيحة لحد عايز يبدأ في مجال ؟؟ 
ج : لو في شخص حابب يبدأ في المجال ده ميبقاش لمجرد الشهره أو الفلوس يبقي مش هتنجح وهتفشل ، إنما لو انت فعلاً شايف إنك تقدر تقدم حاجه كويسة متترددش وهتلاقي اللي هيشوفك أكيد ويثدر ويحب نجاحك .

س مين الشخص الي وقف جنبك ، وتحب تقوله إي !؟ 
ج : الشخص اللي ساعدني و وقف جنبي هو
" مصطفى النسر " (مغني راب) ، عايز أقوله أنا متأكد إنك أحسن من ناس كتير في مجالك وهتوصل قريب جداً .

س : إحكيلي من أول ما بدأت في مجالك عملت إي ؟؟ 
ج : أول حاجة كنت بعمل vines في 2013 أنا و أخويا و أصحابي وكنا مشهورين جداً فالمكان اللي احنا فيه بعدين وقفنا علشان أخويا كان محتاج يركز ف دراسته ، سنة 2016 رجعت أعمل فيديوز تاني نوعيتها كانت ، إني بشوف مسلسل أجنبي و أعمله بطريقه مصريه في بداية 2017 أنا بقيت صديق لشخص إسمه أحمد نجم هو برضوا content creator وكان بيشجعني إن أنا أكمل وعرفني على ناس كتير في مجال السوشيال ميديا بدأت اشتغل معاهم منهم " مهاب شادي " ده يعتبر أخويا ، عملنا إسكيتش مع بعض وعجب الناس جداً و إنشاء هنعمل حاجات كتير مع بعض أتمنى تعجب الناس .

بنشكرك يا عبدالعظيم علي الحوار الجميل ده وربنا يوفقك وتحقق كل الي نفسك فيه يااارب ❤