حوار خاص مع ” نادين ” الميك أب أرتست والرسامة الموهوبة ، المبدعة في شغلها وفنها ؛ متعددة المواهب .

س : في البداية عرفينا بنفسك ؟؟
ج : نادين ، 19 سنه ، دراستي كانت طب أسنان وحاليا فنون جميلة ، إتولدت في الاسكندريه ومقيمه في الاسكندريه .

س : كلميني عن حياتك ؟؟ 
ج : حياتي بنت عادية بس نفسي حلم البنت العادية ده يتحقق ويوصل كانت حياتي روتينية تماما دراسة ونوم ودروس مكنتش بشوف المواهب ولا الأفكار إللي فدماغي لغاية ما حسيت أني زهقت وكان نفسي اتغير من الملل قعدت مع نفسي وعرفت أني عندي موهبه زي الرسم والتمثيل ابتديت في الحاجة دي فعلا ونزلت مسارح في أسكندرية وورش رسم ومن فترة قريبة أبتديت في برنامج "tiktok" .

س : أي أكتر موقف أثر عليكي في حياتك ؟؟ 
ج : أكتر موقف مؤثر في حياتي وفات جدتي وصحبتي .

س : لو الزمن رجع بيكي لورا أيه الحاجة إللي هتعمليها وأيه الحاجة إللي مش هتعمليها ؟؟
ج : لو الزمن رجع بيا مكنتش ضيعت وقت غير في الحاجة إللي بحبها وإللي مش هعملوا مفيش حاجة مش هعملها عشان أوصل للمكان إللي نفسي أوصلوا .

س : هل أهلك كانوا موافقين ع شغلك ؟؟ 
ج : كانوا موافقين محدش عارضني تقريبا ولدي بيخاف عليا زيادة كان معارض شويه لاكن محدش وقف قدام حلمي .

س : أي ردود أفعال الناس علي نجاحك ؟؟
ج : أنا حاسه ومن إللي بشوفوا أن الناس حبتني ودي حاجه مفرحاني أن مشفتش حد قالي تعليق وحش .

س : هل شغلك ليه هدف في حياتك وأي الفكرة اللي عاوزه توصليها ؟؟ 
ج : الفكرة إللي عاوزه أوصلها أن إللي بيحلم بحاجة أنه لازم يوصلها وإللي عنده موهبه مسيره في يوم هيوصل وكل ده بيحصل بحب الناس .

س : أي خطواتك الجايه في شغلك ؟؟
ج : أن أوصل للناس أكتر من كده وأوصل لـ قلبهم .

س : أي النصيحه إللي تحبي تقوليها لكل بنت نفسها تدخل المجال ده ؟؟ 
ج : الشغل مش عيب لو أنتي حابه الهدف بتاعك وطلامه الموهبه موجودة يبقا متتكسفيش توصليها.

س : أحكيلنا أكتر عن حياتك وشغلك ؟؟ 
ج : قصه حياتي من أول ما بدأت المجال ده .. أنا في الأول مكنتش بفكر ف أي حاجه كنت بفكر أزاي أزاكر و أنجح و أطلع من الأوائل لغايه ما زهقت لقيت حياه روتين كملت ف الروتين المعاد يوميا لغايت ما صديقتي توفت في حدثه بعدها بفتره كنت تقريبا صغيره ف السن ده قررت أروح لـ حد بيرسم من صديقاتي و قلتلها ترسمهالي أو تعلمني أرسمها أزاي رفضت .. رحت فتحت اليوتيوب و فضلت أتعلم لغايت ما رسمتها بعدها بفتره كان في أيام المدرسه بيعملو حفلات أنا رحت و قدمت فيها و بدأت أطلع معاهم ف تمثيل علي مسارح و أفتكر أول مره غنيت فيها أتقالي صوتي زي (غاده رجب) حسيت فعلا أن دي تالت موهبه ظهرت فحياتي. بقيت بعرف أرسم و موهبتي ف التمثيل حلوه و بغني مفكرتش غير أني أنمي كل حاجه فيها بقيت ف أماكن حلوه درست مزيكا أشتغلت رسامه و ميك اب أرتست مستسلمتش لأي حاجه ولا حتي لـ فكره أني بنت عيب سبت نفسي ف كل مجال من المجالات الي بحبها بقيت أصغر ميك أب أرتست في أسكندرية و لغايه اللحظه دي أنا أتحبيت من ناس كتير منهم علي tiktok و منهم علي instagram .

بشكرك جدا يا نادين ع الحوار الممتع ده وبتوفيق دايما إنشاء الله❤