إشارة مرور لأشرف عبدالكريم

ياموج البحر ماتهدي
جرفت دموعه جات عندي
بتشكيلي وتحكيلي
وبمسح دمعها بيدي
واقول الشمس بكرة تعود
تنور أرضها وارضي
دي مش غارة دي دوامة
مسيرها تفوت وهتعدي
ودقات قلبي دي اشارة
3 ألوان وأشارجي
بتفتح لما قلبي يرق
وتقفل لما أنا بهدي
وابص شمالي ويميني
أقول يمكن يكون جنبي
أتاري الدنيا وخداني
وفي الزحمة نسيت نفسي
ياساعة الحظ ليه واقفة
يادنيا بتاخد ولا بتدي