”محمد أنور” يشن هجوماً علي منتقدي يوسف الشريف
كتبت/مادونا حمادة
هاجم الفنان محمد أنور علي منتقدي الفنان يوسف الشريف بعد تصريحاته في برنامج مساء dmc مع الإعلامي رامي رضوان بإنه يرفض ملامسة الفنانات في أعمال الفنية وهذه بنود في العقود.
نشر الفنان محمد أنور علي حسابه الرسمي علي موقع التواصل الاجتماعي "فيسبوك" صورة للفنان يوسف الشريف وعلق قائلاً" ايه كل الهري والكلام الفاضي وقلة الأدب اللي حصلت عشان الراجل ده قال انه عنده مبدأ معين هو انه ضد المشاهد الساخنه او الاحضان والبوس والكلام ده لانه ببساطه بيخاف ربنا ومش عاوز يغضبه وهو شغال بالمبدأ بقاله اكتر من عشر سنين وناجح بيه وربنا كارمه من وسع كمان وانه هو مش ضد اللي بيعمل عكس كده ولا شايف نفسه اكتر احتراما من حد .
أضاف :فجأه كل الناس شايفاه رجعي ومتخلف ومش فنان وناس قالو ده اخوان وناس قالت طب روح حجب مراتك الاول وبعدين اتكلم وناس طلعتله مشاهد من اعمال قديمه هو بيحضن فيها وقالو ايام ماكان بيحب التلامس وكميه قله ادب في موضوع الراجل طرحه بكل احترام وقال انه فيه ممثليين كتير زيه اصلا مش بيحبو يعملو ده او ندمو اصلا علي اعمال هما قدموها في البدايه وبعدين شافو انه ماينفعش انه يعمل كده تاني .
تابع: وعلي فكره بقي هو صح والله العظيم وانا نفسي اللي لسه ببدأ عملت حاجات وندمت اني عملتها ونفسي ربنا يسامحني عليها
افتكر انك لما بتموت وانت سايب صدقه جاريه بتنفعك في قبرك وتزود حسناتك .
يشار أن كثير من النجوم وسط الفني دعموا الفنان يوسف الشريف وأبرزهم الفنانة ناهد السباعي، والفنان هشام ماجد، والفنان محمد أنور، والإعلامي رامي رضوان .
يذكر أن آخر أعمال الفنان محمد أنور مسلسل قوت القلوب الذي تم عرضه خارج سباق رمضان عام 2020 من بطولة ماجدة زكي ، ومحمد أنور، وسهر الصايغ ، وإسلام حسني، وأيضا ظهوره كضيف شرف في مسلسل عمر و دياب الذي تم عرضه في رمضان 2020 من بطولة علي ربيع، مصطفي خاطر، هاجر عفيفي، كارولين عزمي.
