الشاعر / أشرف عبدالكريم يكتب ( أخرت صبري )

شوفتي وصلنا لحد فين
شوفتي كلام الناس علينا
ياما فهمتك سنين
الحب مش لعبة ف ايدينا
كنتي عايزة مني ايه
واحنا في بداية الطريق
عايزة كام .. مليون جنيه
وابقى وسط الموج غريق
مش عارف أضحك ولا أبكي
طب قوليلي اعمل ايه
صدقيني كان بودي
أبني قصر تعيشي فيه
وانتي عارفة الايد قصيرة
يادوب أوضة بكنبة وحصيرة
دي المشاعر مش بكام
ولا بشوية هدوم
يكفي اخر الليل ننام
عالمخدة بدون هموم
بس مش عايز ملامة
او تقولي انك جعانة
دي البيوت أسرار وياما
كلمة خربت الف بيت
الكلام دلوتي ليكي
والله بتكلم بجد
فكري وردي بعنيكي
أصل أنا مش أي حد
رغم فقري وقلة حيلتي
مش بقيلي غير كرامتي
هي أغلى حاجة عندي
هي رسمالي وضهري
لو وافقتي اهديكي عمري
وان رفضتي تبقي قدري
بس بردو لسة بدري ..
مش هقول أنا صبري مل
روحي نامي ولما تصحي
تيجي جري معاكي حل
*******************