قولوا باي باي
كتبت - وسام خاطر
قولوا باي باي
كلمة السر الخاصة بينا اللي لازم تقولها لكل حاجه مزعلاكم. باي باي للي بكاكم ومخفش علي عيونكم من البكي . باي باي للي محسش بوجعكم. باي باي لكل لحظة ألم مريتم بيها. باي باي للي جهه عليكم ومقدرش وجودكم . باي باي لكل موقف وقفتم مستغربين لما حصل ومش لاقين كلام تقولوا لإن ببساطة مفيش كلام هايقدر يعبر عن اللي حاسين بيه. باي باي لمرض أخد أكتر من اللازم أرهقكم بزيادة. باي باي للي شافكم ومكلمكمش. باي باي للي مصلحته أهم من وجودكم. باي باي لكل اللي شايفكم حاجة من ضمن الحاجات. باي باي للي وجودكم وغيابكم عنده عادي . باي باي للي الأيام ظهرته علي حقيقته . باي باي للي عمل واللي معملش غير اللي يزعلكم. باي باي علي طول مش موجود. باي باي للناس اللي مش عارفة هي عاوزة أيه. باي باي لكل الناس اللي بتنكد عليكم. باي باي للي بنستحملهم وهما مش معترفين. باي وباي وباي لكل حاجه مزهقاكم ومزعلاكم وسرقة من وقتكم بزيادة. باي و باي للي أيامكم هادية من غيرهم. باي وباي للي الفرحة اللي ملخبطة بشوية زعل مش عوزنها. قولي باااااااااااي لكل اللي مش راضيين عنه. قولوا باي للناس الغلسة بزيادة. بلاش عمركم يتسرق منكم مع أنكم تقدروا تقولوا باي باي.
