اللهم احفظ مصر ..( حتة مني )
بقلم _ أشرف عبدالكريم
يابلدي ياحته مني يامصر
يانور الدنيا في كل عصر
ولادك قاموا لنداكي
ده دمنا وروحنا فداكي
بنفرح لما نلقاكي
اميرة وداخلة اجمل قصر
* يابلدي ياحتة متي يامصر *
كنيسة وجنبها جامع
وساقية حب ومصانع
وحارة وبيت بيجمعنا
وصرخة أم توجعنا
ومهما هتقسى أيامنا
لهتعيشي في عزة ونصر
* يابلدي ياحتة مني يامصر *
شهيدك صورة مرسومة
على جدارك في كل مكان
ونحلم نبقى في الصورة
جناين ورد في البستان
وكله يهون عشان بلدي
يامصر ياحتة من قلبي
ياغاليا وكل شيئ عندي
ياأم الدنيا انتي يامصر
* يابلدي ياحتة مني يامصر *
على كتافك هموم شايلا
ومدة اديكي للأوطان
بفستان الأمل ماشيا
وحالفة تكملي المشوار
وعهد الله مقويكي
ولما الكل حواليكي
بروحي ودمي أفديكي
ده في كتابك آيات النصر
* يابلدي ياحتة مني يامصر *
