وجود إضطراري ياتري وجودك بيمثل إيه؟!

عمرك فكرت أنت بتمثل للناس اللي حواليك إيه. ياتري أنت أساس يتبني ليك الفروع، ولا فرع بتكمل أساس. وجودك مهم ومؤثر، ولا شكل مكمل. أنت فعلا بالنسبالهم إيه؟ أنت أول صوت بيسمعوه لما يصحوا علشان يحسوا بالحياة، ولا مش مشكلة صوتك يتسمع ولا لأ. أنت اللي مايجيش نوم لعيونهم إلا لما يطمنوا عليك، ولا مش فارقة.

مهتمين بيك وبكل تفاصيلك لأنك أنت الحياة، ولا يا دوب أنت تفصيلة صغيرة من تفاصيل حياتهم. فاكرين كل كلمة بتقولها، ولا كلامك بيمر مرور الكرام. رأيك بالنسبالهم أهم الأراء، ولا ممكن يكون أخر رأي ومش فارق. ضحكتك هم هما مشغولين بيه وحبينها تكون موجودة دايماً، ولا دمعتك بتهون عليهم وملهاش ثمن.

أقفوا لحظات صراحة مع نفسكم وقيموا وجودكم في حياة الغالين عليكم ممكن تتفاجئوا إنكم أهم شيء في الدنيا ليهم، وممكن تتصدموا إنكم لا تمثلوا شئ أكتر من تكملة لتفصيلة مش كاملة عندهم. لو طول الوقت بتعطي وتفرح وتسعد، ردهم كان إيه؟!

ولو أنسحبت أو اتوجعت، بردوا ردهم كان إيه؟! ردهم بالنسبالك ممكن يمثل حياة بكل نواحيها. لكن ردك أنت بيمثل عندهم إيه. أسئلة كثيرة جدا ومواقف وحكايات لازم تفكروا فيها وتحكموا فيها بالعدل بدون مزايدة ولا مجاملة وبلاش تداروا حقيقة علي عقلكم خوفاً من الصدمة أو الفرحة. عملوهم بقلبكم لو كانوا حابين كده. وبعقلكم لو برده حابين كده.

خيروهم بين القلب والعقل وأتركوا ليهم الخيار. فقد يزهلوكم بإختيارهم ويجددوا جواكم فرحة إتكسرت، أو يكونوا جرح جديد يزيد عدد الجراح اللي جواكم. وفي كلتا الحالتين دعوا الأمر لله وحده لإن ربنا أعلم بما تملئ الصدور.

بس أهم شيء تفضلوا طول الوقت تقولوا يارب لان سبحانه قادر علي تغير الأقدار بيده ملكوت كل شيء قدير وأن أراد شئ قال كن فيكون. علي فكرة لازم تتركوا أثر في حياتهم حتي ولو كان بسيط. ضحكة يفتكروها، كلمة غيرت حياتهم، كل لمحة حتي ولو بسيطة وصغيرة هايفتكروها. لو إنك فعلاً أثرت في حياتهم. فأحسنوا يحسن إليكم. وأزرعوا الورود تستنشقوا عبيرها، مهدوا الطرق تسيروا بيسر.

كل شئ يمنح ممكن أن يمنع. فمنحوا الحياة لمن يستحقها وأوفوا العهود لأهلها. وأرضوا ضمائركم حتي تسعدوا. إياكم أن تمنعوا الهواء عن من ضاقت عليه نفسه، أو تحبسوا طير طار وأرتفع بدون أن تمنحوا العوض علي وجوده فالأرض. بجانب كل فكرة أدمجوا معها نعمة الإحساس حتي تذوب قسوتها وتتحلي بالرحمة. أشياء كثيرة يمكن أن تغير حال إلي حال. وتبدل بعض الأماكن.