شاهد بالفيديو: ريهام سعيد تعلن إعتزالها العمل الإعلامي والتمثيل . . وتوجه رسالة مؤثرة لجمهورها
نشرت الإعلامية ريهام سعيد فيديو عبر صفحتها على اليوتيوب, كى توضح لجمهورها ما كانت تقصده من حلقة السمنة, مؤكدة أنها كانت سمينة بالفعل, ولكن حاولت بكل الطرق أن تقلل من وزنها لتنعم بصحة أفضل.
ووجهت ريهام كلامها لجمهورها وقال " كل اللي بتقولوه على ده مش حقيقي, عمري ما اهانت الناس البدينة, كلمة مش عايش ده ميت دي كانت شكوى من واحد ممن يعانون من السمنة هو اللي قال الكلام ده وكان عنده إصرار إنه يخس".
تابعت "" خدمتونى النهارده وفوقتونى إنى لازم أعيش لنفسى وأولادي.. ومش راجعه تاني ولا للإعلام ولا التمثيل, مش عايز حاجة خلاص".
وتابعت " والله العظيم ما قلت ولا حاجة.. كل الكوميكس والكلام على السوشيال ميديا مش حقيقى, الناس بتسمع وتصدق, محدش فكر يشوف الحلقة, محدش فكر قبل ما يهاجم عن مستقبل الست دي وأولادها وحياتها, الكل بيردد كلام وخلاص حافظ مش فاهم".
وقالت " أنا عمرى ما أعتذر علشان أرجع شغلي تاني - ده اخطر من السرطان - أنا اشتغلت 16 سنة كنت مضغوطة جداً طول الوقت, معملتش فلوس ولا طلعت بأى حاجة, كنت بخدم الناس وبس, كل تفكيري في اللي عايز حقنة واللي عنده أزمة, مفكرتش في نفسي"
https://www.facebook.com/RehamSaeedOfficial/videos/3514754345217165/?__xts__[0]=68.ARAauf1r4qEuHwJt6xLJ8gJb2TEitdWSQzKf8ZX7qbmoOfgMr7Fb5_GvuvMUrLGXMM5vtcQcSI8_Tq4H0LwM5ghryEP67gXhTn8Gq6qjdgTFu8uSinw_li6CSk8yhRIO780qsEqB2qyWHrv-xV_cgplebhLuHfHsEbGZA-BQ9Q6K5N22O6qAIIEqE7kM6gQ87GLwIpz1aTzYOlEHtfOJSNgUeBk9hXTNrkZv56SuO04uTErClXbE_-QGkmgQeMcr985QLdKEYHaRvpLieFWjsX-Hsq_yKQq8idASKCVvXJEKtePrGIdcWyUXa3pIX_gUmsl5ua_cwj-QiyzABo6-qIpEMVEEenxMhqDwWg&__tn__=-R
