فاطمة عبد الواسع تكتب : إبتسامتي هي وسيلتي

أعيش بيها بارادتي

تحيي كل يوم فيا الأمل

ترسم ليا طريق شجن

إبتسامتي هي وسيلتي

أبني بيها لغيري ألف بيت

وبتشجعني هي أمشي ألف ميل

تسكن معايا أحلي قصر

وبتكون عنواني الكبير للنصر

إبتسامتي هي وسيلتي

أريح بيها كل حبايبي

وأعذب بيها برضه تعاستي

إبتسامتي هي وسيلتي

تفتح ليا كل البيبان 
بحب من غير صدام

أصل بتخرج من صفا القلب

وبدخل بيها كل حرب

ماهي سلاحي من غير ماعيط واناحي

تقتل ليا كل عدو أصلها أقوي من الرصاصة

بتجرح كل عين بصاصة

و تسكت كل الالسنة النصاصة

ورنتها من رقتها تصم كل الأذان الصناطة

ابتسامتي هي وسيلتي

بتحللي مشاكلي رغم صعوبتها

واريح بيها ملامحي رغم قسوتها

مريحاني ومصبراني وهتفضل طول حياتي عنواني