زي ما انتي !! للشاعر أحمد حسن عمر
أنباء اليوم -
انتي فاكرة لو بعدتي
عن عيونى تبقى غيبتى
و لا فاكرة مهما غيبتي
ممكن انسى إنك حبيبتى
لأ.. حبيبتى
لسه حبك جوه مني ..!!
ولسه انتى زي ما انتي
.
انتي فاكره.... لو بعدتي
تنتهي بينا الحكاية
دا انتي لسه وذكرياتك
ليل نهار عايشين معايا
اختفيتى قصادى يمكن
بس جوه القلب بنتي
.
انسى بس إزاى قوليلي ؟
وانتى عايشة بين عيونى
وأما احاول مره انسي
الف حاجة...... يفكروني
َمش راح انسى
ومش راح اقدر
و انسى انتى لو قدرتى
.
ايوه ممكن انى انسى
بس حانسى روحي فيكى
و أما افكر اني ابعد
بعدي ح يقربني ليكى!!
هو ايه ف الدنيا تاني
بعد منك يبقى حيلتى
.
لسه فاكر كل لمسة
وكل همسة بين قلوبنا
لسه فاكر كل نظرة
وكل كلمة فيها دوبنا
لسه فاكر احلى مينا
كات بتحضن يوم سفينتى
لسه برضه زي ما انتى
....