ليه بس!
أحمد حسن عمر -
انا شيلت قلبي
وبدلته
بقلبك النونو
وسألت اهل الهوى
ف قالولي عارفينه
اللي يحب يطير
م الفرحة سابع سما
ويصغر و يبقى شباب
تحتار ف تسنينه !!
اما اللى يكره يشيب
ويشيل جبال الهم
ويعيش وحيد وكئيب
طول عمره وسنينه
الناس ساعات بتقول
مجنون وبيخرف
فارد اقول اللي حب
الحب بيزينه
يسهر ليالى طوال
بين شوقه وحنينه
ويشوف حبيبه غزال
ويخش تكوينه
وتشوف هالات النور
باينة على جبينه
وان غاب حبيبه يتوه
ويقول لناسه هاتوه
دا الحب هو الحياة
ليه بس مانعينه ؟!!