جريدة أنباء اليوم المصرية

هاتي يا دنيا .. بقلم الشاعر / أشرف عبد الكريم

أشرف عبد الكريم
-

فرجيني كمان يا دنيا
هاييجي يوم وافرجك
ليه بتقسي علينا يادنيا
ليه فرحنا بيوجعك ..

فرجيني كمان وكمان
أنا أصلي واخد ع الأحزان
خليكي كدة شاهدة عليا
زمن الفرح ده مش ليا
دمعة وسكنت في عنيا
إغلطي مرة في يوم واديني
.. فرجيني ..

هاتي يا دنيا ده نصيبي
أفضل مخدوع في حبيبي
ولا خلاص هنت عليكي
ودموعي حليت في عنيكي
تقسي وبرضو أنا شاريكي
وانتي راضيا بظلم غيري
.. فرجيني ..

هاتي ولا تجرحي فيا
إمسحي دمعتي في عنيا
ذنبي وكل اللي عملته
اني وقفت في يوم جنبه
أخرتها قال إني ظلمته
وراح يبعني ويشتريني
فرجيني .. فرجيني يا دنيا ..