عبد الودود بقلم دكتور/ رفيق عفيفي
يا ابني .. يا اخويا يا مينا وانت يا عبد الودود
يا عابدين ربنا في كنيسة أو جامع سجود
إنتو بحق صفوة.. رجالة.. و خير الجنود
يا من تصون أرضي وعن عرضي تزود
ياللي علي أرض سينا و ياللي سهران ع الحدود
ياللي عزيمتك عجب و اقوى من النار و البارود
أرضك طاهرة و ارتوت بدماء الجدود
لك مني دعوة في كل ركعة و ألف بوسة ع الخدود
تسلم البطن اللي شالت إبن أصل و مش جَحود
أوعى يا ابني ف يوم تِسَلِّم لو قُدامك ميت سدود
إنت راجل إبن راجل دَك في حصون اليهود
إقرا في التاريخ و ذاكر في أكتوبر إحنا شهود
اللي يشكك يوم في جيشك إما خاين أو حقود
اللي قتلوا ولادنا با ابني حثالة و شوية قرود
كان مصيرهم جثث رِمَم ياكلهم في الأرض دود
هم كلاب الأرض و أنجاسها واخواتك كانوا أسود
قال ربنا عنهم في النار هم فيها خلود
اخواتك نالوا الشهادة و علي جنة ربي ورود
يا ابني.. يا اخويا يا مينا.. و انت يا عبد الودود