قصيدة ” أُنثَى برج الميزان ” للشاعر / أشرف عبد الكريم
واديني عايشة مع الأيام
ودي صفاتي مع الميزان
ده برج في طبعه بيجنن
ميزان حساس وبيطمن
وفي عيونه كتير أسرار
وده برجي أنا الميزان
**********
وخارجة بعطرها الغالي
جميلة وشقلبت حالي
وتمشي في القدم خلخال
تشوفها تقول عليها غزال
وتعشق تقضي أوقاتها
بحرية في كل مكان
دي أنثى وبرجها الميزان
**********
طموحة في كل أعمالها
بسيطة كمان في مشاعرها
بتعشق في الجمال ألوان
وتلبس كل يوم فستان
تشوف الضحكة في عيونها
تغني معاها 100 موال
أنا البسمة أنا الميزان
**********
قوية وعمرها ما ملت
لكن متسامحة بتفوت
عزيزة في كرامتها
وراسمة بايدها سكتها
تشدك لما تتكلم
ومنها اكيد هتتعلم
دي أنثى خيالها بيجنن
بتعزف ع الوتر الحان
دي أنثى وبرجها الميزان
**********
ورغم الرقة في جمالها
خجولة مؤدبة ف حالها
مناورة في مشاعرها
ومين يقدر يحاورها
لكن من نظرة في عيونها
تلاقي حل كل سؤال
دي ياما جننت فرسان
ودي حياتها مع الميزان
..............................