ارجعي له
-
كلمات - أحمد حسن عمر
تيجي عادي، تمشي عادي
ياللي ماسمعتيش فؤادي
لما جالك يوم ينادي
وانت ما فهمتيش نداه
تبكي بالتمثيل قصادي
تجني خيري من حصادي
واللي ناجحة فيه عنادي
وقلب صافي .....معذباه
كل. مرة احلف وابرر
والعتاب متعاد مكرر
الكلام ف. الحلق مرر
والحروف ..... مليانة آه
بطلي دور الضحية
و اعرفي إن الآسية
غيرت كل. اللي فيا
واللي كان جوايا تاه
اللي مشغول غصب عنه
واللي مهموم غصب عنه
واللي حسك حته منه
انت تبقي مقدراه
قلبي اللي قتلتي فيه
ارجعي له وحسي بيه
قبل يعني ما تخسرية
وانتى عارفه إنك دواه
حاولي تاني ترجعي له
قبل ما الأحزان تجيله
ماانتي عطرة وانتي نيله
وانتي اللي محلياه ؟!!