خواطر قلب مجروح
كان جوايا كلام كتير نفسي اقوله بس كبريائي منعني..
حاولت ف البعد انسي بس قلبي عمره ماسمعني..
عقلي بيقولي خلاص انتهي وقلبي بيرد ازاي افهمني..
كان نفسي نكمل ونتغير بس مبقاش ينفع كل شئ بقي منهي..
اه بعيش على ذكرياتنا ف كل لحظه وصعب انسى..
وبتنزل دموعي وغصب عني بقسي..
لابقيت في البعد مرتاحه ولا للقرب عارفه ارجع..
تفتكر حبيبي ممكن نتلاقي.. وياتري هتكون فاكرني ولا عامل نفسك ناسي ..
كل شارع ومكان مشينا وروحنا فيه يشهد علي حبنا..
َودلوقتي بقيت امشي فيهم لوحدي وافتكر قد اي جرحت احساسي..
حاولت اكمل واشوف غيرك بس مين غيرك يستحق يكون بقلبي..
مهو أصله من البداية مكنش لعب عيال..
مين يملي القلب والعقل من بعدك دانا مبقتش اعرف انام..
بدور ف الوشوش ع ضحكتك ونظره عينيك واهي كلها اوهام..
حتي اني سمعت صوتك بتندهلي صحيت فأجأه وعرفت انها احلام..
بس اوعدك اني هقوي وهقدر على النسيان مهو كبريائي غالي وانت طلعت ملكش امان.