اقولك ايه ؟!!
كلمات : احمد حسن عمر
وانتي قريبة وحشاني
وانتي بعيدة فايتاني
ما بين الآهه وحداني
واقولك ايه واعيد تاني ؟!!
.
يا اطيب قلب ف الدنيا
ما فارقش الخيال ثانية
و اجمل عشق خلاني
افوت اهلي وخلاني
.اقولك ايه واعيد تاني ؟!!
انا لو. مره انساكي
اعيش بعدك سنين باكي
يخاصم فرحي شباكي
وتبكي بحرقة اجفاني
اقولك ايه واعيد تاني ؟!!
.
وانا اللي منجذب ليكي
واضحي. بروحي. تفديكي
وعايش لاجل ارضيكي
مانيش عايش لشيء تاني
اقولك ايه واعيد تاني ؟!!
حبيبتي وضي لعيوني
وحبك عقلي وجنوني
يقولوا كتير يلوموني
اقول ف عينيكي عنواني
اقولك ايه واعيد تاني ؟!!
.
تعالي ورجعي روحي
و داوي بلمسة ف جروحي
انا لو ح انسي من نوحي
كل. ما فيا ينساني