يوم ما شوفتك عيني سرحت وسكتت ودقات قلبي كترت وفجأة لاقيت عيوني فرحت وراقبت فيك عنيك وحركات إيديك وطريقة كلامك وتفاصيل سلامك وهديت ضحكتي واتحولت لابتسامة والي حواليا لاحظوا أن في حاجة جوايا لكن توهتهم وقولت ده مغرور اوي كفاية كفاية أوي ات سلمنا عليه ومشيت ومن يومها كأني في دوامة بحر ومادريت بنفسي غير لما صحيت ع رنة تلفوني واتجنيت لما لاقيت حبيبي الي ياما عشانه استنيت ماتستغربوش من كلمة حبيبي فجأة ماهي برضه طلعت من جوايا مفاجأة رديت وسكت وسمعت صمته واتنهدت قولتله ايه بكل قوة ع اساس اني مش واخدة بالي مين هو ضحك ضحك هستيري ومن ثقته قالي تعرفيني ضحكت اوي زي ماضحك وسألته عن حاله كأني بينا سنين مش دقايق وحكينا كتير من قلوبنا والضحك نسانا همومنا وكل واحد فينا صحي وقال هو كان حلم ولا أهوال رد قلبي وقال أضغاث أحلام ده كان حلم جميل واما طلع النهار زال
