أحمد حاتم يتحدث بصراحه عن تجربة طلاقة..” كنت ظالم”

حل الفنان أحمد حاتم ضيفا على برناج ABtalks مع الاعلامى أنس بوخش ،وتحدث عن تفاصيل طلاقه، موضحًا أنه تزوج لمدة 3 سنوات وتعلم الكثير من تجربة الطلاق.

وقال أحمد حاتم، في لقائه بـ برنامج ABtalks، تقديم الإعلامي الإماراتي أنس بوخش: تزوجت لمدة 3 سنوات، واتعلمت بعد طلاقي أن الإنسان ممكن يبقى أحسن وممكن يتغير وممكن يبقى أوحش، وساعات بيبقى مش قرار ولكن أنا كنت في نسخة مش حلوة مني وكنت شخص ممكن أكون ظالم حتى لو ده مش باين بس ده حقيقة الأمر.

وأضاف أحمد حاتم: الطرف اللي معايا مكنش مبسوط ودي مش عادتي، بس تجربة الجواز خلتني أقف وقفة كبيرة وتوصلت أني أقدر أعمل اللي أنا حابه ومقتنع بيه، مقدرش أسيب نفسي، أنا اتعلمت ده بطريقة صعبة واتعلمت ده في حد ومش عايز أجربه تاني، لأني كنت في فترة صراع وأسأل نفسي دائما أنا بظلم حد ولا لأ؟

وأكمل أحمد حاتم: أنا من بعد التجربة دي بقيت عايز أبذل مجهود وأهدى وأفتح مشاعري أكتر وأعبر عن نفسي وعن مخاوفي بشكل أوضح، لأن ده الصح.

أما عن دور المرأة في حياة الرجل، فعلق أحمد حاتم: الحب هو محرك الحياة، ومن غير الست الراجل مش هيعمل 80% أو ممكن 100% من اللي بيعمله، وأنا بشوف أن الست هي السبب في كل حاجة في حياة الرجل.