حمزة نمرة يعلن عن موعد إطلاق أغنيته الجديدة ”إسكندرية”
كشف الفنان حمزة نمرة عن موعد طرح أغنيته الجديدة إسكندرية، إذ أعرب عن حبه الكبير لها، وتعلقه بها منذ الطفولة، لذلك حرص على أن ينقل مشاعره للجمهور من خلال أغنية تعبر عن مدى حبه وارتباطه بـ الإسكندرية.
وكتب حمزة نمرة منشورا، عبر حسابه الشخصي بـ فيس بوك، قال فيه: إسكندرية.. علاقتي بإسكندرية بدأت من الطفولة، لما كنا بننزل مصر إجازة كانت اسكندرية أسبوعين أساسيين في الإجازة، بعد زيارة الأهل والقرايب في القاهرة والمنصورة، منظر البحر في آخر الشارع من شباك العربية محفور جوايا.
وتابع حمزة نمرة: لما رجعنا مصر نهائي قولنا لـ بابا بدون ما نتردد عايزين نعيش في اسكندرية.. حب عجيب من صغرنا، اسكندرية خدتني بالحضن، عرفتني على المزيكا، وعرفتني على صحاب عمري، وقبل كل ده عرفتني على نفسي.
وأضاف حمزة نمرة: أنا اسكندراني، محبة كدة الغروب.. منظر الغروب على البحر دايمًا بيلهمني..
قصص وحكايات وذكريات، كل واحد فينا وله حكاية معاه.. استنوا أغنية اسكندرية وأغنية غروب الأربعاء اللي جاي الساعة 7 مساءً.
أغاني حمزة نمرة
وفي سياق آخر، سبق وتحدث نمرة عن ألبومه الجديد رايق، والذي حقق نجاحًا ملحوظًا في الفترة الأخيرة، إذ قال نمرة في تصريحات إذاعية له: الفكرة جاتلي لأني دايما قلقان، والموضوع دخل جوايا بشكل عميق، لأن نفسي أخرج من شعور القلق، ولا يشغلني المنافسة أو المستقبل، وحسيت أن ناس كتير هيبقى عندها نفس الإحساس ده، وبقول لـ نفسي ولكل الجمهور في أغنية رايق، انتهى القلق وكل شئ فرق، حتى الجو جوه دماغي رايق، يعني متخليش القلق يسيطر عليك واستمتع برحلتك
