دعاء فاروق ترد على انتقادات ملابسها بعد الحج ”ربنا خالقنا برقبة ”

علقت الإعلامية دعاء فاروق على الانتقادات التي وجهت لها من قبل الجمهور بسبب ملابسها بعد قضائها مناسك الحج، إذ ظهرت مرتدية فستان سواريه مع طرحة تظهر رقبتها.

وعبر خاصية القصص المصورة على Instagram، نشرت دعاء فاروق مقطع فيديو تدافع عن نفسها بعد الانتقادات وقالت ": في ناس متعرفش شكل الرقبة، ربنا خالقنا برقبة والرقبة تحت الإيشارب وفي إيشارب ملفوف حولين الرقبة في إيشارب ملفوف حولين الرقبة ولا مافيش.

وتابعت دعاء فاروق: أنا بقى قدامكم على طول لابسة التلبيسة ولا لا جيت مرة غيرت في طريقة اللفة، ياريت متحشروش نفسكم في الفتحة اللي ظهرت بالرقبة، عيب أما ست تدخل عند ست زيها وتقولها الرقبة أنا بس حبيت أبين شكل الرقبة يعني أنتي ينفع تروحي للجزار تقوليله هات رقبة فايديكي حتة رقبة صغيرة.

أضافت دعاء فاروق: أنا مش برد عشان أدافع عن نفسي مش موضوعي ولا فارق معايا مين الشخصية اللي بتنتقدني، أنا بالنسبالي بتكلم على الانتقادات اللى جات ليا.

واختتمت دعاء فاروق: عيب تقللوا من قيمة الحج لأنه ركن كبير ومهم من أركان الإسلام عيب واحدة تدخل تقولي أنتي حجيتي تبقى قدوة، هو أنا يعني مش قدوة ولا قدوة الشخص عندكم بقيت بالهدوم.

وكانت دعاء فاروق قد تعرضت لانتقادات بعد ظهورها بفستان سواريه يظهر رقبتها.

على جانب آخر، كثيرا ما تتصدر دعاء فاروق التريند بسبب تعليقاتها على بعض الموضوعات مثل موضوع المساكنة.

وانتقدت دعاء فاروق فكرة المساكنة التي أعلن العديد من الفنانين تأييدها وقالت: "اعملوا مساكنة، وعيشوا مع بعض من غير زواج، وماله يا حبايبي ولا تدخلوا قانون ولا مجتمع ولا أهل ولا أصحاب ولا دين، ادي لما يسكر طينة ويقوم خبطك على دماغك، إيه اللي هيدخل القانون والأهل ولما تحملي منه هتشيلي شيلتك لوحدك ويقولك وأنا مالي يا تهربي يا تنزلي الطفل، وتعيشي النقاهة لوحدك إيه اللي يدخل المجتمع والحاجات دي يا تروحوا ترموا الطفل في الزبالة، زي ما في ناس بتعمل كده إيه علاقة الدين بالموضوع، أنتي مسلمة؟، بتصلي وتصومي؟، ما تصليش، بطلي صلاة، بتصومي في رمضان؟ بطلي تصومي، وانت بتصلي وتصوم بطل تعمل دا هتنبسطوا أوي أوعدكم".

يذكر أن دعاء فاروق تقدم برنامج "اسأل مع دعاء" عبر قناة "النهار".