عمر السعيد: الضرب في مسلسل “أزمة منتصف العمر” حقيقي

تحدث الفنان عمر السعيد عن شخصية "زياد" التي يقدمها في مسلسل "أزمة منتصف العمر" والمشاهد التي يقوم فيها بضرب الفنانة هاجر عفيفي التي تؤدي دور "فرح" زوجته.
وقال عمر السعيد عن مشاهد "الضرب" في المسلسل خلال لقائه في برنامج mbctrending: الضرب حقيقي أنا كنت عايز مضربش بجد لكن كريم العدل المخرج كان بيقولي ملكش دعوة دا لازم يبان الناس بتاخد بالها كنا عاوزين الموضوع يبان حقيقي، الناس كلها زعلانة مني احنا بنمثل بس هما واخدين الموضوع جد
وتابع متحدثا عن مشاهده مع هاجر عفيفي: هاجر عفيفي اللي بتعمل دور مراتي هي مجتهدة أوي الاجتهاد مموتها كانت بتقول أنا تمام وأنا كف إيدي كبير، في التمثيل لو مش بتمثلي بجد الناس مش بتقتنع الموضوع كان حقيقي.

ولأن مسلسل "أزمة منتصف العمر" تعرض لانتقادات كثيرة، أكد عمر السعيد أن الواقع به قصص أكثر حدة من ما هو موجود في العمل: كل واحد حر يقول رأيه اللي مش عاجبه ممكن ميتفرجش خاصة أنه على منصة، المفاجأة أن الناس بتنتقد وتسأل في نفس الوقت الحلقة هتنزل أمتى والقصص دي موجودة في المجتمع افتحوا صفحة الحوادث وشوفوا في كام موضوع، المسلسل اسمه "أزمة منتصف العمر" يعني واضح أن في أزمة وفي مشاكل نفسية.