قريباً .. مسلسل بالطو على منصة شاهد

من المقرر أن يبدء عرض مسلسل بالطو عبر منصة شاهد الرقمية يوم 8 فبراير من الشهر المقبل، ومكون المسلسل من 10 حلقات.

ومسلسل بالطو مأخوذة من رواية عنوانها بالطو وفانلة وتاب، من تألف الكاتب الساخر أحمد عاطف فياض.

ويشارك في بطولة العمل عدد كبير من نجوم الفن ومنهم محمد محمود ،محمود حافظ ،مريم الجندي، عارفة عبد الرسول، محمد رضوان،عصام علي، وضيوف شرف: خالد الصاوي، بيومي فؤاد ، محمود البزاوي، محمد لطفي، وأخرج المسلسل عمر المهندس.
كما حرص الكاتب أحمد حافظ على الترويج لمسلسله الجديد ونشر أحمد عاطف صورة البوستر الدعائي لمسلسل "بالطو"، وهو اول كتابات عاطف، وعلق عليه كاتبا عبر حسابه بموقع التواصل الاجتماعي فيسبوك: "وأخيرا، البوستر الرسمى لمسلسل (بالطو)،

وقال: إخراج: عمر المهندس قصة وسيناريو وحوار أحمد عاطف فياض (اللى هو أنا، وهيجي حد يسألنى يقولى وفياض دى جت منين، هرد عليهوأقوله، ده أسمى الثلاثى عادى، وهيبقى مكتوب ثلاثى كده ع التتر إن شاء الله، وده لسببين، أولاً عشان فيه كذا أحمد عاطف فى الوسطالفنى مخرج وموزع موسيقى ومدير تسويق، فلازم أضيف فياض منعاً لتشابه الاسماء، وثانياً وده السبب الأهم عشان الفنانة فيفى عبده والاستاذ أحمد عبد العزيز ما يعرفوش إنه أنا) اه وفيه لعيب كورة كمان فى نادى فيوتشر وجاى الأهلي اسمه أحمد عاطف، مش فاهم انا ايه الحوار ده، الواحد مش عارف يتهنى
بـأسمه!!
وكشف: المسلسل عن أحداث قصة حقيقية، اللى هى قصة حياتى، اللي أعتقد إن أي دكتور شاب بيتخرج فى مصر بيعيش وهيعيش قصةمشابهة ليها، والاحصائيات بتقول ان مسلسل "جريز أناتومى" على مدار السنين اتسبب فى دخول قرابة 200 ألف شخص لكلية الطب،على أمل انهم يعيشوا أجواء شبيهة، بإذن الله "بالطو" يحقق نفس المعادلة و الــ 200 ألف اللى دخلوا طب بسبب جرايز أناتومي يطلعوا منالكلية بسبب مسلسل بالطو.

واستكمل: المسلسل 10 حلقات بطولة نجوم كتير جداً عملوا اللى عليهم وزيادة وفعلا اشتغلوا من قلبهم فى العمل وأنا بشكر كل واحد فيهممن أصغر دور لأكبر دور
وتابع: من ساعة ما أعلنت إن "بالطو وفانلة وتاب " هيبقى مسلسل، ناس كتير بتدخل تسألنى تقولى مين اللى هيعمل دورك فى المسلسل،اللى يسألني ويقول لي أحمد أمين؟ واللي يقول لي أحمد عيد؟ واللى يقول لي ماجد الكدواني؟ فمع حبى الشديد لكل النجوم الكبيرة دولبس المرحلة العمرية للدور محتاجة حد أصغر فــاللى هيعمل دورى ف المسلسل هو الفنان ماجد المصري.

وأضاف: طبعا مفيش ماجد المصرى بهزر، ما انتو شايفين البوستر اهو يا جماعة، اللى هيقوم بالدور هو الفنان الشاب الموهوب جداً جدا ًعصام عمر، وأتمنى فى النهاية إن المسلسل يعجبكو إن شاء الله ... عشان لو معجبكوش ... هنتريق عليه هنا ف الصفحة عادى خالص ... أنا معاكو فى اى حاجة.