ماجد الكدوانى يجيب عن وجود جزء ثالث لموضوع عائلى
تحدث الفنان ماجد الكدوانى فى مداخلة هاتفية مع الإعلامي عمرو أديب في برنامج الحكاية على قناة mbc مصر: «اللي يريده ربنا هيكون، بعد نهاية الجزء الأول مكناش عارفين هنقدم جزء ثاني ولا لا، لكن ربنا أراد وبعت الأفكار الحلوة عشان نقدم الجزء الثاني».
وتابع: «هنرتبها مع المنتج والمخرج والكاتب ونشوف ايه اللي هيحصل لأن محدش شغال لوحده، إحنا كيان على بعضه كامل، وهنفكر مع بعض واللي فيه الخير يرشدنا ربنا له وأتمنى نكمل».
وتحدث الكدواني عن نجاح المسلسل قائلًا: «الحمد لله، بعيدًا عن التريندات إحنا كان كل هدفنا كصناع العمل أن نوصل رسائل العمل، كنا شايفين إن أحنا محتاجين أن نوصل بعض الرسائل الإنسانية والحمد لله ربنا وفقنا في توصيلها».
وتحدث الكدواني عن نجاح المسلسل قائلًا: «الحمد لله، بعيدًا عن التريندات إحنا كان كل هدفنا كصناع العمل أن نوصل رسائل العمل، كنا شايفين إن أحنا محتاجين أن نوصل بعض الرسائل الإنسانية والحمد لله ربنا وفقنا في توصيلها».
واستطرد: «مكنش هدفنا ندوس أو نشحت عواطف أو مشاعر، كان هدفنا أن نوصل لحالة شجن تفكرنا ببساطتنا الأولى بجانب براعة المخرج أحمد الجندي فهو خبرته كبيرة في الشغلانة فهو عارف امتى يقدم إيه، وامتى يدوس ويخف، وازاي يوزن العمل بميزان حساس».
