عــام جديد ٢٠٢٢ بقلم - دكتور / رفيق عفيفي

يا عشرين اتنين و عشرين

ما تخُش برجلك اليمين

تبقى عام جامد و متين

و يصبح كل الناس طِعمين

إن كان رفَيّع ولا سمين

راجل أو ستات حلوين

زي الننِ ما جوه العين

بابا نويل هيعَدي عَلَيَّا

شَكلُه جايبلي بإيده هدية

لحمة أو قرطاس طعمية

كنتي تريزة أو سعدية

مسيحي ومسلم جوه عنيَّا

كله شوكولاتة و محشية

لوز و جوز الست سنية

أرنب علي حلة ملوخية

حلــة رز و لقمة هنية