الجمعة 29 مارس 2024 12:51 صـ 18 رمضان 1445 هـ
 أنباء اليوم المصرية
رئيس التحريرعلى الحوفي

( حبيبي و شقاوته )

 الدكتور: رفيق عفيفي
الدكتور: رفيق عفيفي

غلبت أداوي منك جروحي

من كتر قسوة قلبك يا روحي

ما هو زاد نحيبي و علا نوحي

طول عمري احبك و الحب غالب

و انت تلاوعني و تعمل مقالب

حوشت المهر اللي ابوكي طالب

يا مجري قلبي دايماً وراك

و عنيه تهوي جمال خطاك

كل ما املُك و الروح فداك

يا حب عمري منين اجيلك

كل الحبايب أكيد قالولك

حيران لوحدي أكيد حكولك

انت جميل و زايد حلاوة

دمك خفيف في عينيك شقاوة

شتاك دفا و صيفك طراوة

كفاياك بقي تُقل و جَفا

قلبي العليل طالب الشِفا

بنظرة حلوة هي كُل الصفا

إمتي بقي يا قمر تِرِق

حالي صعيب و يستَحِق

كتير بتتقل و انا حطق

أحلف لك بإيه إني بحبك

حِلفان عليه و ف جيبي مهرك

إديني وشك و بلاها ضهرك

إمتي بقي كتب الكتاب

نطوي صحيفة لوعة و عذاب

يهللوا لنا و يقفلوا علينا باب

موضوعات متعلقة