” ملحمة في مدينة السحر و الجمال ” للدكتـور - رفـيق عفيـفي
الأقصر .. مين على وصف الجمال يقدر
يا تاريخ .. افتح كتابك و بحروف من نور سطر
ده ورث جدودنا ميراث جميل و متعطر
كنوز علي أرضنا الطاهرة عمره بمال ما يتقدر
نعمة م الخلاق و مين عالنعمة يتبطر
بنحييها كل يوم بجديد لأجل ما تحلو أكتر
و طريق الكباش يشهد بجمال الأمل نور
يا ضيفنا تعالي اتفرج و امشي براحة و اتمختر
ده صنع المصري بإيده و لا اتشعوذ و لا اتبخر
مين فينا كان يحلم ولا بخياله يتصور
و حلاوة نجومها كأنها لؤلؤة بتمطر
آثارنا الحلوة في كل مكان ومن وقف قدامها يتسمر
و طول العمر من شافها رحل سعيد و لا اتكدر
إثبت يا إبن مصر وراك سواعد للجهد بتشمر
إوعى ف يوم تبص وراك واعى الخطوة تتعثر
شايف الفرحة جوه عنيك أخاف عليك لا تتكدر
لمسات الأمل واضحة و فرحتنا فوق ما تتصور
لقيت نفسي في أحضان دافية كنت عليها بادور
و لسه المتحف المصري لما الفكرة تتبلور
الخير علي إيديك قادم و أنا بلقمة بتصبر
شيء واضح و باين للكل بصير و كفيف غني أو أفقر
يا شعب اتحملت كتير و فركة كعب بس اصبر
ربك و الله رب قلوب ولابد لخاطرنا بيجبر
ربنا هو الفتاح العليم هو العاطي هو الأكبر
