الجمعة 29 مارس 2024 08:44 صـ 19 رمضان 1445 هـ
 أنباء اليوم المصرية
رئيس التحريرعلى الحوفي

يا قلبي خلاص

أنا وقلبي سنين عايشين
بنستنى هوانا يميل
وقلتلو يا قلبي انساه
وسيبو يعيش مع التايهين ..

وفاتني القلب ماتكلم
وسابني لوحدي بتألم
وقلت ياريت ما حبينا
مسيرنا في يوم هنتعلم ..
....... أنا و قلبي .......

كتير بعشق وبهواكي
وقلبي ظلمني وياكي
ساعات ألقاه بيتنهد
ومرة القاه بينساكي ..

وضاع قلبي وضعت معاه
وسبت حبيبي للي هواه
ورغم الجرح ماتكلم
وسابني لوحدي بتألم
وقلت ياريت ماحبينا
مسيرنا في يوم هنتعلم
....... أنا و قلبي .......

ياقلبي خلاص هنعمل إيه
ما سابنا ليه هنبكي عليه
تعالى نعيش لوحدينا
ونحلم أصله مش لينا
أكيد في الحلم هنلاقي
طبيب م الجرح يشفينا ..

وفاتني القلب ماتكلم
وسابني لوحدي بتألم
وقلت ياريت ماحبينا
مسيرنا في يوم هنتعلم ..
....... أنا و قلبي .......