انساكي
كلمات_ أحمد حسن عمر
انساكي بس إزاي
وانتي اللي جوايا
بتحلي عمرى الجاي
وبتهدي ضحكاية
من أمتي حبك غاب
عن قلبي لو ثانية
فبلاش حبيبتي عتاب
خليه لناس تانية
والله ما نسيتك
ولا غيبتى عن بالي
من يوم ما حبيتك
و لوقتنا الحالي
فإزاي تقولي نسيت ؟!
وانتي اللي ماليه البيت
دا نا حتي. لو غميت
ف عيوني بتباني
انا غيرك انتي ماليش
وبيكي بس بأعيش
يا حبيتي ما نستكيش
رغم اني بأنساني
رغم انى بأنساني
