اعيش ازاي ؟!!
طب اشوف ازاي ؟!
وعيونك هي اللي عيوني
و اعيش ازاي ؟!!
وعرفت ان عينيكي فاتوني
الساعه لو انتى بعيد عني
مش عاوز اعيشها بثوانيها
و الكلمة الحلوة اما باغني
انتي اللي بتبقي ف معانيها
فقوليلي ازاي بس اتنفس
او نبض القلب يعود ليا
وانتي اللي وجودك بيأسس
ف القلب بحور الحنية
كان نفسي اقولك فات كام يوم
من يوم ما بعدتي وسيبتيني
وعيوني ازاي ما شافتش النوم
وانتي اللي قدرتي تبكيني
النور للعين ح يعود بيكي
اول ما تحني وح تجيني
والروح ح تعود لما اراضيكي
وبدون ما تعاتبي تسامحيني
باستغرب بس ازاي مشغول
كان ايه اللي اخدني بعيد عنك
لو اعرف كنت حبيبتي اقول
لكن مش هو اللي ف ظنك
لا انا عمري هويت غيرك لحظة
ولا حتي خرجت بدون اذنك
مين هي اللي افكر فيها
او ممكن تسكن ف مكانك
دا نا اطلع روحي وارميها
لو سمحت للقلب و خانك
