أحمد زاهر : أدعم محمد سامى
كتبت - نرمين حمزه
نشر الفنان " أحمد زاهر " عبر صفحته الرسمية على موقع التواصل الاجتماعي انستجرام منشور يعبر من خلاله على دعمه للمخرج محمد سامى بعد تعرضه لازمته الاخيره منذ ايام قليله والتى تصاعدت من خلال هجوم الجمهور عليه وغضبه بسبب فشله في مسلسله الاخير " نسل الأغراب "
وأيضا بعد القرار التى أصدرته شركة المتحدة ضده .
حيث كتب " زاهر " منشور يقول من خلاله : أنا مش ضد قرار المتحدة ، لان ده أكيد له أسباب وفى سبيلها للحل باذن الله ، أنا ضد حملة التشويه البشعه لسمعه وشخص محمد سامى اللى بيقوم بيها بعض الزملاء ، وبعد اللجان الأليكترونية ، أنا ضد تشويه سمعة أى حد مش بس محمد سامى الراجل اللي ده انا اعرفه من ١٢ سنه ، وأشتغلت معاه أكتر من خمس أعمال مشفتش منه غير كل خير وأحترام ، وتقدير للموهبه وبقولها وهقولها طول عمرى ، محمد سامى هو اللى غير حياتى بعد أرادة ربنا سبحانه وتعالى ولن أنسى له هذا الفضل هو اللى خلانى اخس ١٠٠ كيلو ، عشان اتمسك بيا فى مسلسل حكاية حياة وده الدور اللى غير حياتى وبعد كده كم من النجاحات وكلها معاها وآخرها فتحى فى البرنس ، ودى كانت نقطة تحول تانية فى حياتى ، تفتكروا اللى شفت منه كل الخير والأحترام والتقدير والموهبة والنجاح ده كله مكنش جنبه وأدعمه ، انا مفيش حاجه في ايدي اعملها غير انى اقول شهادة حق يعلمها الله سبحانه وتعالى وعاوز بس افكركوا ان محمد سامى هو نفس المخرج اللى سقفتولوا كل السنين اللى فاتت ، ومن بينا بلا خطيئه
" أدعم محمد سامى " .
جدير بالذكر أن آخر عمل جمع بينهم هو مسلسل البرنس وهو من تأليف وإخراج : محمد سامى
